अॅरो, केनेथ जे

विकिपीडिया कडल्यान
Jump to navigation Jump to search

अॅरो, केनेथ जे[बदल]

(जल्मः 23 ऑगस्ट 1921, न्यूयॉर्क.)

नामनेचो अर्थशास्त्रज्ञ. ताणें 1940 त न्यूयॉर्कच्या सिटी कॉलेजांतसून समाजविज्ञानातली बी. एस् सी. पदवी मेळयली; तशेंच कोलंबिया विद्यापीठांतल्यान 1941 त एम्. ए. आनी 1951 त पीएच्.डी. पदवी मेळयली. अर्थशास्त्रांतल्या संशोधनाखातीर नेमिल्ल्या काउल्स कमिशनचेर ताणें संशोधन वांगडी म्हूण काम केलें. 1949-68 ह्या काळांत ताणें स्टॅनफर्ड विद्यापीठांत आनी 1968-1979 ह्या काळांत हार्वर्ड विद्यापीठांत प्राध्यापक म्हूण काम केलें. 1979 सावन तो स्टॅनफर्ड विद्यापीठांत अर्थशास्त्राच्या प्राध्यापकपदाचेर काम करीत आसा. चर्चिल कॉलेज,केब्रिज हाचो तो 1963-64, 1970 आनी 1973 त सदस्य (fellow) आशिल्लो. जायत्या संस्थांनी आनी अकादेमीनीं वांगडी आनी fellow म्हूण ताणें काम केलां. ‘ सादारण अर्थशास्त्रीय संतुलन सिध्दांत आनी कल्याणकारी सिध्दांत ’ (General Economic Theory & Welfare Theory) ह्या विशयांतल्या ताच्या म्हत्वाच्या योगदानाखातीर ताका 1972 त, अर्थशास्त्र ह्या विशया खातीर आशिल्लो नोबेल पुरस्कार फाव जालो. ‘ सादारण अर्थशास्त्रीय संतुलन सिध्दांत आनी कल्याणकारी सिध्दांत ’ तेचप्रमाण ‘ वाढ सिध्दांत आनी निर्णय सिध्दांत ’ (Growth Theory and Decision Theory) ह्या अर्थशास्त्रांतल्या ताच्या म्हत्वाच्या योगदाना खातीर स्विडीश अकादेमी ऑफ सायन्सेस हे संस्थेन ताचो खासा उल्लेख केला.

"https://gom.bywiki.com/w/index.php?title=अॅरो,_केनेथ_जे&oldid=125978" चे कडल्यान परतून मेळयलें